Hesa vikuna eru Birita, Sara og Kristianna á ferð við 6 av okkara fittu og deiligu næmingum við Streymin.

Fyri summarferiuna kundu allir næmingar í hádeildini søkja um pláss. Túrurin er stuðlaður úr einum grunni til frama fyri norðurlendsk skúlasamstørv.

Við í hesi verkætlanini eru lærarar og næmingar úr Danmark, Noregi, Svørríki, Finnlandi og Føroyum.

Verkætlanin verður kallað Unge sprogpiloter i Norden. Á ferðini arbeiða tey við einum evni og hava framløgur, sum taka støði í egnum landi.

Høvuðsevnið er burðardygd og í Noregi verður arbeitt við undirevninum Sálarheilsa.
Eisini hevur verið arbeitt við Grønari orku og javnrættindum.

Síðsta heyst vóru øll í Føroyum; í vár lá leiðin til Finnlands og nú liggur so leiðin til Bergen í Noregi.

Næmingarnir, sum eru við, eru f.v.:

• Marius Danielsen, Streymnes, 8.fl
• Brandur Eldevig, Streymnes, 8. fl
• Maria J. Samuelsen, Norðskáli, 8. fl
• Súsanna Ejdesgaard, Eiði, 9. fl
• Anja Thomassen, Streymnes, 9. fl
• Sára Mørkøre, Eiði, 9. fl

Á túrinum búgva næmingarnir hjá vertfamiljum og lærararnir húsast í norskum fjallasmáttum.